بلومبرگ Bloomberg جاپان کے ساتھ ایک ملاقات میں سونی میں پلے سٹیشن کے صدر اینڈریو ہاؤس Andrew House جو عنقریب اپنا عہدہ چھوڑنے والے ہیں نے کہا ہے کہ سونی مستقبلِ قریب میں ننٹینڈو کی ہائبرڈ گیمنگ کنسول کے ساتھ کوئی مقابلہ شروع کرنےکا ارادہ نہیں رکھتا۔
اینڈریو ہاؤس کے مطابق ننٹینڈو سوئچ ایک ہائبرڈ گیمنگ کنسول ہے جس کی سٹریٹجی سونی کے پلے سٹیشن سے بالکل مختلف ہے، ہاؤس کا کہنا ہے کہ سونی کی توجہ ایسی مصنوعات تیار کرنے میں ہے جو لیونگ روم سے مطابقت رکھتی ہوں۔
اس بیان سے یہ نتیجہ اخذ کیا جاسکتا ہے کہ سونی کا فی الحال موبائل ڈیوائسس کی مارکیٹ میں قدم رکھنے کا کوئی ارادہ نہیں اور کمپنی لیونگ روم کی گیمز اور خدمات کی اپنی سٹریٹجی پر قائم رہے گی۔
سونی کو توقع ہے آئندہ مارچ میں حالیہ مالی سال کے اختتام تک وہ پلے سٹیشن 4 کے 19 ملین یونٹ فروخت کرنے میں کامیاب ہوجائے گا۔
Comments are closed.