وز ایج لیب٬ فیس ری ٹچ

اس ایپلی کیشن کے کام کرنے کا طریقہ کار تقریباً خود کار ہے جس میں یہ خراب دکھائی دینے والی جلد اور آنکھوں پر میک اَپ اپلائی کر دیتی ہے۔ تصویر میں کہیں کوئی چمک دکھائی دے رہی ہو تو اسے درست کر دیتی ہے، چہرے کی جھریاں غائب کرتی ہے اور دانتوں کو سفید کر دیتی ہے۔ یہ سارے کام Visage Lab ایک ہی مرحلے میں مکمل کر لیتی ہے۔ لیکن اس کا مطلب یہ ہے کہ اس کی طرف سے کی جانے والی تبدیلیوں پر آپ کو کوئی اختیار نہیں ہوتا کہ انھیں اپنی پسند سے انجام دیا جا سکے۔
البتہ اس ایپلی کیشن کا شیئرنگ آپشن اچھا ہے جس کے ذریعے تصاویر فیس بک، انسٹا گرام، ٹوئٹر، پی انٹرسٹ، ای میل کے ذریعے شیئر کرنے کے علاوہ ڈاؤن لوڈ بھی کی جا سکتی ہیں۔ وز ایج ایپلی کیشن اینڈرائیڈ اور آئی فون دونوں صارفین کے لیے دستیاب ہے۔

دستیابی: مفت

ڈاؤن لوڈ کریں
اینڈرائیڈ
آئی او ایس

(یہ تحریر کمپیوٹنگ شمارہ ستمبر 2013 میں شائع ہوئی)