وال سٹرین جرنل کی ریپورٹ کے مطابق سونی سمارٹ ہوم قابلیت کے حامل کتے کی شکل کے ایک روبوٹ پر کام کر رہا ہے جسے اگلے ماہ ریلیز کیا جائے گا، یہ روبوٹ سونی کے نوے کی دہائی کے اواخر میں ریلیز کیے جانے والے AIBO نامی روبوٹ کا جانشیں ہوگا۔
کہا جا رہا ہے کہ اپنے پیش رو کے مقابلے میں اس روبوٹ کتے میں حرکت کرنے کی صلاحیت بہتر ہوگی اور یہ نہ صرف انٹرنیٹ سے کنیکٹ ہوسکے گا بلکہ گھریلو اشیا کو کنٹرول بھی کر سکے گا۔
تا حال سونی کے اس روبوٹ کتے کی قیمت اور دیگر تفصیلات غیر واضح ہیں تاہم خیال رہے کہ نوے کی دہائی میں سونے کے AIBO روبوٹ کی قیمت 2500 امریکی ڈالر تھی۔