4K اسٹریمنگ کے مداحوں کے لیے اینڈروئیڈ پر مبنی ’’این ویڈیا ٹی وی شیلڈ‘‘ اب پہلے سے کم قیمت میں دستیاب ہے۔
این ویڈیا کے اس سیٹ اپ باکس میں 4K ایچ ڈی آر اسٹریمنگ کی سپورٹ موجود ہے جس کے ذریعے نیٹ فلیکس اور امیزون پرائم وڈیوز دیکھی جا سکتی ہیں جبکہ اس کے ساتھ ساتھ گوگل پلے اسٹور سے بھی اپنی پسند کا میڈیا کرائے پر یا خریدا جا سکتا ہے۔
یہ امر دلچسپ ہے کہ این وڈیا نے اپنے اس سیٹ باکس کی قیمت کم کی ہے اور کل کل اسی قیمت میں ایپل ٹی وی ریلیز ہو رہا ہے جس میں نیٹ فلیکس اور امیزون کی سپورٹ بھی موجود نہیں۔ یعنی این ویڈیا کی قیمت کم اور فیچرز زیادہ ہیں۔
این ویڈیا شیلڈ ٹی وی کے ذریعے ٹی وی پروگرامز، فلمیں اور گانے جو چاہیں اپنی پسند کے مطابق لطف اندوز ہوا جا سکتا ہے۔ کیونکہ نیٹ فلیکس اور امیزون کے علاوہ اس میں سپاٹی فائی Spotify اور پنڈورا Pandora کی سپورٹ بھی موجود ہے۔
اگر آپ گیمز کھیلنے کے شوقین ہیں تو این ویڈیا شیلڈ کے ساتھ آپ کو جوئے پیڈ الگ سے خریدنا ہو گا جو کہ ساٹھ امریکی ڈالر کے عوض دستیاب ہے۔
یہ نیا بنڈل پری آرڈر کرنے کے لیے تیار ہے جبکہ اس کی شپنگ کا آغاز 18 اکتوبر سے کیا جائے گا۔
اس کا دیگر سیٹ باکسز کے ساتھ موازنہ آپ درج ذیل گراف میں ملاحظہ کر سکتے ہیں:
