اب ایپل بھی بنائے گا فولڈ ایبل آئی فون

ویسے تو پچھلے کئی سالوں سے فولڈ ایبل اسمارٹ فونز کی آمد کی پیش گوئیاں کی جا رہی ہیں لیکن حال ہی میں سام سنگ نے گلیکسی ایکس کی صورت میں جب فولڈ ایبل فون بنانے کا اعلان کیا تو اس خواب کو حقیقت ملنے کا یقین ہونے لگا۔

اب اس میدان میں ایپل نے بھی کودنے کا فیصلہ کر لیا ہے اور اس کے لیے ایپل نے ایل جی کا تعاون حاصل کیا ہے۔

یقیناً آپ جانتے ہوں گے کہ ایپل کے آئی فونز کے لیے OLED اسکرین سام سنگ تیار کرتا ہے بلکہ اسی وجہ سے سام سنگ کو گلیکسی سے زیادہ آئی فون کے فروخت ہونے پر منافع حاصل ہوتا ہے لیکن جب بات ہو فولڈ ایبل اسکرینز کی یعنی جو مڑنے پر بھی نہ ٹوٹیں تو اس میدان میں ایل جی کی کارکردگی زیادہ بہتر ہے۔ یہی بات ہے کہ ایپل نے اب سام سنگ کے بعد دوسری طرف ایل جی سے بھی ہاتھ ملانے کا فیصلہ کر لیا ہے۔

ایپل کا فولڈ ایبل آئی فون امید ہے کہ 2020 تک آنے میں کامیاب ہو گا لیکن اس کے مقابلے میں سام سنگ چونکہ پہلے ہی اس پر کام کر رہا ہے اس لیے سام سنگ کا فولڈ ایبل فون گلیکسی ایکس 2018 میں آنے کی قوی امید ہے۔