آئی فون پر تصاویر یا وڈیوز اگر خاندان کے ساتھ مل کر دیکھنی ہوں تو اس کے لیے فون کو بڑے ڈسپلے پر منتقل کر لینا انتہائی کارآمد ثابت ہوتا ہے۔
یقیناً آپ سوچ رہے ہوں گے آئی فون اسکرین کو کسی دوسری اسکرین پر کیسے دیکھا جا سکتا ہے؟
اگر آپ کے پاس AceThinker کمپنی کا پروگرام ’’آئی فون اسکرین ریکارڈر‘‘ (iPhone Screen Recorder)موجود ہے تو یہ کام چٹکیوں میں کیا جا سکتا ہے۔

یہ پروگرام آئی فون یا آئی پیڈ کی اسکرین کو کمپیوٹر کی اسکرین پر دِکھا سکتا ہے جبکہ اسے میک کے علاوہ ونڈوز پر بھی انسٹال کیا جا سکتا ہے۔ اسے استعمال کرنا بھی انتہائی آسان ہے، بس اپنے کمپیوٹر پر اس پروگرام کو انسٹال کریں اور آئی فون کو بذریعہ کیبل پی سی سے جوڑ لیں۔ یہ پروگرام فوراً آپ کے فون کو پہچان کر اس کی اسکرین کو کمپیوٹر اسکرین پر ظاہر کر دے گا۔ اس طرح آپ فون کی چھوٹی اسکرین کو بڑی اسکرین پر باآسانی دیکھ سکیں گے۔ بات صرف دیکھنے تک محدود نہیں ہے آپ چاہیں تو فون اسکرین کی نہ صرف تصاویر بنا سکتے ہیں بلکہ وڈیو بھی ریکارڈ کر سکتے ہیں۔ اسے ڈاؤن لوڈ کرنے کے لیے درج ذیل ربط ملاحظہ کریں:

acethinker.com/iphone-screen-recorder

اس پروگرام کے اہم فیچرز درج ذیل ہیں:

یہ پروگرام آپ کے فون کی اسکرین کو HD معیار میں پی سی پر دِکھا سکتا ہے۔
فون پر چلنے والی وڈیوز یا گانوں سے بھی بھرپور انداز میں کمپیوٹر پر لطف اندوز ہو سکتے ہیں۔
اگر آپ اسکرین کو ریکارڈ کرنے میں دلچسپی رکھتے ہیں تو یہ کام بھی صرف ایک کلک کے ذریعے ممکن ہے۔ آپ کے فون کی اسکرین آپ کے مطلوبہ وڈیو فارمیٹ میں مطلوبہ معیار کے ساتھ ریکارڈ ہو سکتی ہے۔
اگر آپ اپنی ریکارڈ شدہ وڈیو کو کسی سے شیئر کرنا چاہیں تو اسی پروگرام کے ذریعے براہِ راست اپنے سوشل میڈیا اکاؤنٹ پر شیئر کر سکتے ہیں یا کسی دوسری وڈیو اسٹریمنگ ویب سائٹ پر اپ لوڈ بھی کر سکتے ہیں۔

مزید آسانی کے لیے یہ رہنما وڈیو دیکھیں:

10 Windows license for Giveaway: