14 ٹی بی کی ہارڈ ڈرائیو، جو آپ کے لیے نہیں

ڈیٹا اسٹوریج کے معروف امریکی ادارے ویسٹرن ڈجیٹل نے 14 ٹیرابائٹس کی ایک زبردست ہارڈ ڈرائیو بنائی ہے لیکن یہ صرف ڈیٹا سینٹرز کو فروخت کی جا رہی ہے۔

ویسٹرن ڈجیٹل کے مطابق نئی الٹرا اسٹار ایچ ایس 14 دنیا کی پہلی ہارڈ ڈرائیو ہے جو 14 ٹیرابائٹس کی گنجائش رکھتی ہے۔ ادارے کا کہنا ہے کہ یہ ساٹا اور ساس دونوں فارمیٹس میں 223 میگابائٹس فی سیکنڈ کی ٹرانسفر اسپیڈ رکھتی ہے ۔

نئی ہیلیئم سے بھری یہ ڈرائیو ڈیٹا رائٹنگ کے معاملے میں گزشتہ ڈبلیو ڈی ہارڈ ڈرائیو سے کہیں زیادہ موثر ہے اور یہ بہت قابل بھروسہ بھی ہوگی کیونکہ اس کی ایم بی ٹی ایف ریٹنگ (یعنی mean time between failures) ڈھائی ملین گھنٹے ہے یعنی یہ بہت طویل عرصے تک خراب نہیں ہوگی۔

الٹراسٹار ایچ ایس 14 صرف ویسٹرن ڈجیٹل کے انٹرپرائز کلائنٹس کے لیے دستیاب ہوگی یعنی آپ اور میں اسے نہیں خرید سکتے۔ پھر بھی اس ڈرائیو کی تیاری ظاہر کرتی ہے کہ مستقبل قریب یہ عام صارفین کے لیے بھی بھی پیش ہوگی۔