جھوٹ نمبر 5: روز کمپیوٹر کو آن آف کرنا غلط ہے

اکثر کہا جاتا ہے کہ کمپیوٹرکو باقاعدگی سے آن اور پھر آف کر دینا غلط ہے اور اس کا کمپیوٹر پر بُرا اثر پڑتا ہے۔ اگر کمپیوٹر دوبارہ استعمال کرنا ہو تو بہتر ہے اسے sleep موڈ میں جانے دیا جائے۔ یقین جانیں اس بات میں کوئی صداقت نہیں ہے۔

جب کمپیوٹر sleep موڈ میں ہوتا ہے تو ظاہر ہے یہ فوراً جاگنے کے لیے تیار رہتا ہے اس لیے وہ بیٹری یا پاور کو استعمال میں رکھتا ہے چاہے کم مقدار میں ہی کیوں نہ ہو۔ اس کے بجائے اگر اسے مکمل آف یعنی بند کر دیا جائے تو ہر طرح سے توانائی کی بچت ہو گی۔

اس کے علاوہ کمپیوٹر ہارڈویئر کی بھی ایک مقررہ زندگی ہوتی ہے اگر آپ اس کو اس کی طبعی زندگی مکمل کرنے دینا چاہتے ہیں تو اپنے کمپیوٹر یا لیپ ٹاپ کو ہر وقت آن مت رکھیں بلکہ جن اوقات میں اس کی ضرورت نہ ہو اسے بند کر دینا بہتر ہے۔یہ بات صرف توانائی کی بچت کا باعث نہیں بنتی بلکہ کمپیوٹر کو بھی صحت مند رکھتی ہے کیونکہ کمپیوٹر کا ری اسٹارٹ ہونا آپریٹنگ سسٹم کی کئی بیماریوں کا شافی علاج ہے۔

جھوٹ نمبر6: میک بہتر ہے پی سی سے

ہمارے ہاں میک سسٹم کے بارے میں دو باتیں انتہائی مشہور ہیں۔ ایک تو یہ ہے کہ میک سسٹم، پی سی کے مقابلے میں بہت بہتر ہوتا ہے۔ دوسری بات اس کے بالکل مترادف ہے کہ میک ایک مہنگا اور بے کار کمپیوٹر ہے۔یہ دونوں باتیں ہی غلط ہیں۔ پی سی اور میک دونوں کی اپنی جگہ اہمیت و افادیت ہے۔ اگر آپ سمجھتے ہیں کہ میک سسٹم بہت طاقت ور ہوتے ہیں تو پی سی بھی طاقت میں کم نہیں ہوتے۔ اس لیے ہم کہہ سکتے ہیں پی سی اور میک دراصل دونوں کمپیوٹر ہی ہیں، فرق صرف ان کے آپریٹنگ سسٹم کا ہے۔

جہاں تک بات ہے دونوں کی قیمتوں کی تو میک سسٹم ایپل کے نام نہاد ٹیکس کی زد میں ہے، یہی وجہ ہے کہ ان کی قیمتیں بہت زیادہ ہیں۔ میک جیسے ہارڈویئر رکھنے والے ونڈوز لیپ ٹاپ کی قیمت بھی میک جتنی ہی ہو گی۔ مثال کے طور پر میک بک ایئر جیسا پتلا ونڈوز لیپ ٹاپ دیکھیں تو لینوو یوگا تھری پرو موجود ہے۔ دونوں کی قیمتوں کا موازنہ کریں تو پتا چلتا ہے کہ ان میں زیادہ فرق بھی نہیں ہے۔

اگر آپ ہماری بات سے اتفاق نہیں کرتے تو الگ الگ ہارڈویئر خرید کر میک سسٹم بنانے کا منصوبہ ترتیب دیں۔ اس کے لیے درکار تمام ہارڈویئر کی قیمتیں دیکھ کر کل رقم کا تخمینہ لگائیں۔ اب اس قیمت کا موازنہ ایپل کی طرف سے فراہم کردہ ڈیوائس کی قیمت سے کریں۔ آپ کو یہ دیکھ کر شدید حیرانی ہو گی کہ اس میں ایک بڑا فرق موجود ہے۔ ہمارے تجربے میں ہمیں 33 فیصد رقم کی بچت دکھائی دی۔